عالمی بینک نے پاکستان میں بجلی کی قیمتوں میں اضافے کی مخالفت کرتے ہوئے لائن لاسز میں کمی کا مطالبہ کیا ہے۔

نجی ٹی وی چینل کی رپورٹ کے مطابق ورلڈ بینک نے پاکستان میں بجلی کی قیمتوں میں مزید اضافے کی مخالفت کا اظہار کیا ہے۔ ورلڈ بینک کے علاقائی نائب صدر برائے جنوبی ایشیا مارٹن رائسر نے کہا کہ بجلی مزید مہنگی کرنے کی ضرورت نہیں، لائن لاسز کو کم کیا جائے۔

انہوں نے کہا کہ پاکستان کو مقامی قرضوں کی ری شیڈولنگ کے معاملے پر محتاط انداز میں کام کرنے کی ضرورت ہے، کیونکہ اس سے بینکنگ سیکٹر میں سرمایہ کاری بھی متاثر ہو سکتی ہے۔ مارٹن رائزر کے مطابق اقتصادی اصلاحات کا عمل جاری رہنا چاہیے اور اس حوالے سے بنائی گئی پالیسیوں پر عمل درآمد بھی ہونا چاہیے۔ انہوں نے کہا کہ انتخابات سے قبل اس معاملے پر سیاسی جماعتوں سے بات چیت ہوئی ہے۔

مارٹن رائزر کے مطابق، پاکستان میں صرف ٹیکس وصولی پر انحصار کرنا کافی نہیں ہے۔ ٹیکس ٹو جی ڈی پی کا تناسب بھی 2 سے بڑھا کر 3 فیصد کرنے کی ضرورت ہے۔ اس کے علاوہ حکومت کو اخراجات اور ٹیکس اصلاحات پر کام کرنے کی ضرورت ہے۔ زرعی شعبے کو سہولیات فراہم نہ کی گئیں تو ٹیکس ریونیو میں اضافہ مشکل ہو جائے گا۔